منع البووووووس

من طرف **naseem33** الثلاثاء يوليو 01, 2008 6:09 am

منع البووووووس

أهم حاجة التعليقات

منقوووووووووووووووووووووول

أحبابي الكرام قرأت هذا الخبر بالصدفة البحتة على موقع مصراوى

أجمل ما في الموضوع هو تعليقات القراء لم أتمالك نفسي من
الضحك عندما قرأت التعليقات
أرجوا منكم أن قراءة المقال جيدا قبل قراءة التعليقات
المقال طويل وأنا اكتفيت ببعض الفقرات منه
وأحلى تعليق هو الأخير
طبيب مصري يعلن إنشاء جمعية لمنع القبلات بين الأزواج

في تقليعة جديدة لا يعرف أحد الهدف منها أعلن دكتور عادل عاشور أستاذ طب الأطفال بكلية الطب جامعة القاهرة عن رغبته في إنشاء جمعية لمنع القبلات بين الأصدقاء و زاد على ذلك بإعلان رغبته في منع القبلات بين الأزواج و هو الأمر الذي بدا غريبا وفجر المناقشات داخل المجتمع
المصري و عن السبب الرئيسي في طرحه فكرة إنشاء الجمعية أكد دكتور عادل أن كافة الأبحاث العلمية التي نشرت في كبرى المجلات الطبية العالمية
أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية و الميكروبية وأبرزها
الأمراض الجلدية و يأتي على رأسها حب الشباب و من الأمراض الميكروبية مثل مجموعة الميكروبات العنقودية و هي ميكروبات موجودة في فم الإنسان
بصورة طبيعية كذلك الحمى الشوكية و الأمراض الفيروسية التي تنقلها القبلة أيضا مثل الزكام و الرشح والتي يجب عدم الاستهانة بها حيث قد تصيب الخلايا
المبطنة لخلايا ا لمخ و ينتج عنها ارتفاع شديد في درجة الحرارة يصعب السيطرة عليها و قد تؤدى إلى الوفاة في بعض الأحيان أيضا التهاب الغدة
النكفية و كذلك الحصبة الرمادية و الألمانية و الفيروسات الكبدية و أكد أن الجمعية تضم في عضويتها كافة التخصصات الطبية لشرح الآثار السيئة للقبلة
وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الإسلامي تحرم القبلة في غير الإطار الزوجي
وقد أكد العلم على وجود إضرار جسيمة لذلك
وعن أراء المواطنين حول هذه الجمعية المزمع إنشاءها تنوعت الآراء بين الرفض و القبول هدى محمد طالبة بكلية العلام وصفت الإعلان عن الجمعية
بأنه كوميدي و لا يهدف سوى إلى لفت النظر إلى القائمين عليها إذ افتقد الإعلان عن منع القبلات الأساليب التي سوف تتبع للتأكد من حدوث هذا المنع.
التعليقات
هذا كلام فاسد و باطل بدون تردد ، و معارض لصحيح السنة النبوية ، فقد ثبت أن النبي صلى الله عليه و سلم كان يقبل زوجاته ، و كان يقبل
السيدة فاطمة و الحسن و الحسين رضي الله عن الجميع و أفتى للشيخ بالقبلة في الصيام .

أنصح الدكتور أن يبيع لب و يبطل تخاريف .
ـــــــــــــــــــــــــــــــــ

وأنا أقول الرئيس البوسني مات ليه؟؟
ـــــــــــــــــــ
واحد يحرم البوسة بين الأزواج ، وواحد يحلل إن الواحدة ترضع زميلها ، ما ترسونا على بر نرضع وما نبوسش ولا نبوس وما نرضعش
ــــــــــــــــــــــــــــــــــــــــ
الدكتور ده اكيد معندوش شفايف
ــــــــــــــــــــــــــــــــــــــــــــ
كل حاجة بقت مشكوك فيها وبتجيب أمراض حتى البووووس اظاهر كل واحد حيروح يبوس نفسة فى المراايا
______________________________
روح شوف العيش المسرطن ولا الشيبسى ولاالمياه المجارى ولا الخضروات

المسرطنه والهرمونات ولالالالالا وبعدين اتكلم على البوس
ــــــــــــــــــــــــــــــــــــــــــــــــ
فعلا فعلا الدكتور ده يستاهل بوسه ف بؤه مش بوسه واحده لا ده يستاهل 80مليون بوسه من 80 مليون بوووؤ عشان تجيله كل الامراض اللى ف الدنيا
ـــــــــــــــــــــــــــــــــــــــ
نحن جمعية هنبوس هنبوس حتى لو البوس بفلوس وياريت الدكتووووور
يجى يبوس الواوا
ــــــــــــــــــــــــــــــــــــــــــــ
الحياة من غير بوس زي قوله من غير مايه
ـــــــــــــــــــــــــــــــــــــــــــــــــ
مش عارف اقول أية مش كفاية مش لاقين نتجوز كمان اللى مجوزين مش
حايبوسوا طب دة نسمية أية ؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــ
اليوم تقليعة البوس ينقل الامراض الجلدية وبكرة لا تلمس جسد زوجتك لمنع انتشار الأمراض الجلدية وبعد غدا يستحسن إبادة صنف النساء إنكم تسعون لتحريم الحلال (واضح ان البوس عامل مشكلة للدكتور) أقولك حاجة اعمل زي
اللمبي بلغ لجنة حروق الانسان
ــــــــــــــــــــــــــــــــــــ
طيب ولما رغيف العيش يقع على الأرض أجيبه وأبوسه ولا غلط يا حلاوة على العلم واللي بيتعلموه وأحب أقول لسعادة الدكتورة الفاضل ادرس لك حاجة تنفعك أحسن وسيب الناس
تبوس ياعم وبلاش وساوس
ـــــــــــــــــــــــــــــــــــــــــــ
لقد صدر اخر التعديلات الدستورية وهي منع البووووووووس نهاءي نظرا
لانتشار الامراض و قد نفذ حتي علي الأزواج ما عدا كل ما هو وطنيييي و
يعتبر ممارسيه نوع جديد من الإرهاب و يسمي الاخوان البايسين طبعا لا
ينفذ علي الحكومة لأنهم مبيدات
ــــــــــــــــــــــــــــــــــــــــــــــ
انا عايزه اطمن الدكتور ده واقوله انه ولله الحمد معظم الازواج فى مصر
مابيبسوش بعض اصلا !! بوس ايه يا عم بلاش قلة أدب ، هوه احنا بنتجوز
وندفع دم قلبنا ولاد وبنات علشان نبوس !! إيه المسخرة دية !!!
ـــــــــــــــــــــــــــــــــــــــــــــــ
يعنى لو واحدة اسمها بوسى تغيرة ويبقى متبوسيش بس كدة اتحلت خلاص
مع تحيات شركه متبوسيشى لانسر
يا عم بوس اية اللى عايز تمنعة؟؟
ـــــــــــــــــــــــــــــــــــــــــــــ
دة الواحد بيبقى لسة سايب صاحبة من ربع ساعة يشوفة يقوم نازل فية
بوس..بوس اخوى طبعا..وكمان عايز تمنعة بين
الازواج...لا دة كدة الواحد يلحق يتجوز قبل ميبقى قرار ويتناقش فى
مجلس الشغب
ــــــــــــــــــــــــــــــــــــــــــــــ
يعني بوس الواوا دح
ــــــــــــــــــــــــــــــــــــــــــــــــ
على رأى الفنان محمد رضا: مش هنبوس بقى
ـــــــــــــــــــــــــــــــــــــــــــــــ
ممكن كل واحد قبل ما يبوس البت بتاعته يتمضمض بمحلول 'البيتادين'ويدهن
شفايفه بردو بمحلول 'البيتادين'وبعد ميخلص البوسه يتف تلات مرات ويشرب

كباية ....أكيد 'بيتادين'... ربنا يشفيكم

مع تحيات أخوكم ........
أرجو الرد.....0

من طرف **المتيم** الأربعاء يوليو 09, 2008 3:45 pm

اهم شي هو البوووووووووووووس
ومشان هيك لازم ما تصل افكار هالزلمة لعندنا وتضل عندهم بمصر وبس

منع البووووووس

منع البووووووس

رد: منع البووووووس